КЛИН ЭНЕРЖИ АЗИ ХХК
Клин Энержи Ази ХХК нь 2012 онд Ньюком ХХК болон Японы СофтБанк Групп корпорацийн охин компани Эс Би Энержи корпорацийн хамтын хөрөнгө оруулалтаар үүсгэн байгуулагдсан.
Одоогийн байдлаар тус компанийн хөрөнгө оруулагчид нь Ньюком ХХК болон Японы Тоёота Цушо корпорацийн охин компани Иурус Энержи корпораци юм.
Компанийн зорилго нь:
Монгол улсад сэргээгдэх эрчим үйлдвэрлэх, бүс нутгийн хэмжээнд нүүрсхүчлийн хийн ялгаруулалтыг бууруулах;
Сэргээгдэх эрчим хүчний салбарыг өргөжүүлэн хөгжүүлэх;
Азийн Эрчим хүчний супер сүлжээг бүтээн байгуулж, бүс нутгийн хэмжээнд эрчим хүч экспортлох.
Клин Энержи Ази ХХК нь Өмнөговь аймгийн Цогтцэций суманд байрлах 50 МВт-ын хүчин чадалтай “Цэций” салхин цахилгаан станцыг 2017 онд ашиглалтад оруулснаар Монгол Улсын Төвийн бүсийн нэгдсэн системд цэвэр, сэргээгдэх эрчим хүч нийлүүлж байна. Энэхүү станц нь төвийн бүсийн эрчим хүчний хэрэгцээний ойролцоогоор 3 хүртэлх хувийг хангаж ажиллаж байгаа юм.
Тус компанийн үйл ажиллагаа нь Монгол Улс болон олон улсын Парисын Цаг уурын хэлэлцээрт тусгагдсан 2030 он хүртэлх зорилтуудтай нийцэж, нүүрсхүчлийн хийн ялгаруулалтыг бууруулан, байгальд ээлтэй, тогтвортой эрчим хүч үйлдвэрлэхэд чиглэгдэж байна. Уг төсөл нь цэвэр эрчим хүч үйлдвэрлэхийн зэрэгцээ Монгол Улсын эдийн засаг болон дэд бүтцийн хөгжилд чухал хувь нэмэр оруулсаар байна.
Утас: +976 70003183 и-мэйл: info@cea.mn Цахим хуудас үзэх
